Seite 1 von 1

chume em Wunsch vo minere Namensvetterin na

Verfasst: 3. Mai 2023, 22:42
von stahufmaennli
Hoi zÀme

Jetzt weiss ii wieder warum i mi immer nanig vorgstellt ha.
Eigentli han i das scho bestimmt 3x versuecht, aber jedesmal wenn i fertig gsi bin mit schriebe, bin i wieder usgloggt gsi und mini ganz arbed wegđŸ˜€
erst malc hurz und bĂŒndig
heisse Bea, wohne im schöne TsĂŒri (ZĂŒrich) und han EDS (hypermobiler + vaskulĂ€r Typ)

z.Z. isch dr Alltag schwiergig will i dur e Blockade im Chauklenk/Halswirbel wieder unscharf gsehne und mini Chiro(praktiker) ide ferie sind.

hoffe es isch möglich nachher wieteri ergÀnzige zmache.
versuech, wenns gwĂŒnscht wird, denn au dĂŒtsch zschriebe

Re: chume em Wunsch vo minere Namensvetterin na

Verfasst: 4. Mai 2023, 21:52
von Beatrice
Hoi Stahuufmannli Bea

Herzlich willkomme im Forum - und danke fĂŒr Dini Vorschtellig. Du chasch guet SchwiezerdĂŒĂŒtsch oder ZĂŒridĂŒtsch schriebe, die meischte im Forum sind Schwiezer, s'hĂ€t aber au recht vill DĂŒĂŒtschi oder Öschtricher - wenn sie öppis nöd verschtönd, chan ich als Admin, wenns mĂŒest sii au öpis ĂŒbersetze.
Dass Dich s'Forum immer usekeit hÀt, tuet mir leid- das sött eigentlich nöd passiere, aber s'isch au mir scho passiert- wenn mer z'lang hÀt zumen Biitrag schriebe.

S'isch no luschtig, bi mir hÀt mer au mol EDS vermuetet -ich bin nÀmlich en Schlangemensch sit Chindheit - han chöne beidi Bei hinderem Chopf versorge - problemlos, de Spagat ohne uufzwÀrme und mir under de Bei dureluege und a de HÀnd jede Finger hinderschi an Handrugge legge und de Duuume siitlich an Underarm. Ehlers-Danlos-Syndrom isches aber jetzt nöd, ich bin eifach hypermobil i villne Glenk, wobii sich das im Alter Àchli verÀnderet hÀt. De Duume chan all noch an Underarm und d'Bei chönntet au beid hinder de Chopf (nur isch do sonen Wabbelbuuch im WÀg)

Mit em Chiefer han ich au es Problem - e sogenannt kraniomandibulĂ€ri Dysfunktion und me chan alli mini BackezĂ€hn nöd mit SprĂŒtze betĂ€ube bim Zahnarzt, will sie en ungewöhnliche Nerveverlauf hend. Meischt schlooft nur d'Zunge ii. Und de Zaah ĂŒberhaupt nöd. Das sind immer schlimmi Moment, wenn ich mir en Zah mues zieh loh oder es Ă€ Wurzelbehandlig bruucht. Ich wĂŒrd mir Ă€ Narkose wĂŒnsche, aber das ist jo so tĂŒĂŒr - 800 Franke - das chan ich mir nöd leischte. Ich denk denn immer a die im Mittelalter, wos no gar kein BetĂ€ubig geh hĂ€t - die hends jo au ĂŒberlĂ€bt.

S'isch typisch und ich kenn das au, dass wenns im Chiefer oder i de Halswirbel blockiert isch, dass mer au schlechter gseht - vill LĂŒĂŒt glaubed eim das nöd, aber mir beidi wĂŒsseds - es hĂ€ngt alles zĂ€me, grad i dere Region - e chlini Abwiichig langed scho.

Ich wĂŒnsche Dir, dass die Chiropraktore bald wieder do sind und Dir hĂ€lfe chönd und ich freu mi, Dich wieder z'lĂ€se

Liebi GrĂŒess us de Ostschwiez

Bea

Re: chume em Wunsch vo minere Namensvetterin na

Verfasst: 5. Mai 2023, 20:05
von Beatrice
Hinweis fĂŒr Mitleser: FĂŒr alle, denen das Forum in seiner ursprĂŒnglichen Erscheinung auch ein BlendgefĂŒhl verursacht. Dank Stahuufmannlis Anregung haben wir nun auch einen Dark Mode im Forum - siehe MenĂŒzeile oben rechts - so erscheint das Forum im Negativkontrast (weisse Schrift auf Schwarz und es blendet nicht mehr)
Danke an Stahuufmannli fĂŒr den Hinweis -auch fĂŒr mich die augenfreundlichere Variante.

LG
Bea

Re: chume em Wunsch vo minere Namensvetterin na

Verfasst: 5. Mai 2023, 20:37
von stahufmaennli
herzliche Dank fĂŒrs schnelle möglich mache vom Dark mode.
also i han na e huufe anders au, und e super vagi diagnose zum EDS. 2 Ärzt sind dr Meinig gsi i hebs, 2 findet es chönt guet si, aber warum das gnau bezieffere, wenns ja eh kei Heiligsmöglichkeite git.
Aber das wo du schriebsch Bea han i als Chind vielles au chöne, wie z.B. us em Stand id Brugg abe und denn so umelaufe🙈, bis mer min Judotrainer das verbote hĂ€t und gseit hĂ€t es sig ungsund fĂŒr de Rugge.
was i immer na guet chan isch sOhr uf dSchultere ablege ohni dSchultere ufezieh (das merkt mer denn wenns eim e DehnigsĂŒebig fĂŒr de Hals zeiged und mer am schluss sOhr ableit und simmernanig dehnt.
Als chind isch bim Velofahre hindere luege au super eifach gsi - 🩉 (ha dr Hals fast um 180° chöne hindere drĂ€ie) hĂŒt nach zig HWS blockade gat das leider nume.

Ja jedi Blockade hĂ€t wieteichendi uswĂŒrkige
vo Herzrhytmusstörige, zu vorgaukletem Herzrase (zgliche GfĂŒhl nur de Puls isch nurmal), Bluetzuefuhr is Hirn chan igschrĂ€nkt si, so dass mer chli Wirr im Chopf wird. A hand vo de Symptome weiss i wo i e Blockade ha.

so bis hli einisch