chume em Wunsch vo minere Namensvetterin na

In diesem Forum könnt ihr euch und eure Familie vorstellen und mehr über die anderen Mitglieder erfahren
Antworten
stahufmaennli
Beiträge: 2
Registriert: 16. Mai 2019, 00:33
Wohnort: Züri

chume em Wunsch vo minere Namensvetterin na

Beitrag von stahufmaennli » 3. Mai 2023, 22:42

Hoi zäme

Jetzt weiss ii wieder warum i mi immer nanig vorgstellt ha.
Eigentli han i das scho bestimmt 3x versuecht, aber jedesmal wenn i fertig gsi bin mit schriebe, bin i wieder usgloggt gsi und mini ganz arbed weg😤
erst malc hurz und bündig
heisse Bea, wohne im schöne Tsüri (Zürich) und han EDS (hypermobiler + vaskulär Typ)

z.Z. isch dr Alltag schwiergig will i dur e Blockade im Chauklenk/Halswirbel wieder unscharf gsehne und mini Chiro(praktiker) ide ferie sind.

hoffe es isch möglich nachher wieteri ergänzige zmache.
versuech, wenns gwünscht wird, denn au dütsch zschriebe
Benutzeravatar
Beatrice
Beiträge: 4347
Registriert: 3. Dezember 2005, 22:47
Wohnort: Gossau/SG
Kontaktdaten:

Re: chume em Wunsch vo minere Namensvetterin na

Beitrag von Beatrice » 4. Mai 2023, 21:52

Hoi Stahuufmannli Bea

Herzlich willkomme im Forum - und danke für Dini Vorschtellig. Du chasch guet Schwiezerdüütsch oder Züridütsch schriebe, die meischte im Forum sind Schwiezer, s'hät aber au recht vill Düütschi oder Öschtricher - wenn sie öppis nöd verschtönd, chan ich als Admin, wenns müest sii au öpis übersetze.
Dass Dich s'Forum immer usekeit hät, tuet mir leid- das sött eigentlich nöd passiere, aber s'isch au mir scho passiert- wenn mer z'lang hät zumen Biitrag schriebe.

S'isch no luschtig, bi mir hät mer au mol EDS vermuetet -ich bin nämlich en Schlangemensch sit Chindheit - han chöne beidi Bei hinderem Chopf versorge - problemlos, de Spagat ohne uufzwärme und mir under de Bei dureluege und a de Händ jede Finger hinderschi an Handrugge legge und de Duuume siitlich an Underarm. Ehlers-Danlos-Syndrom isches aber jetzt nöd, ich bin eifach hypermobil i villne Glenk, wobii sich das im Alter ächli veränderet hät. De Duume chan all noch an Underarm und d'Bei chönntet au beid hinder de Chopf (nur isch do sonen Wabbelbuuch im Wäg)

Mit em Chiefer han ich au es Problem - e sogenannt kraniomandibuläri Dysfunktion und me chan alli mini Backezähn nöd mit Sprütze betäube bim Zahnarzt, will sie en ungewöhnliche Nerveverlauf hend. Meischt schlooft nur d'Zunge ii. Und de Zaah überhaupt nöd. Das sind immer schlimmi Moment, wenn ich mir en Zah mues zieh loh oder es ä Wurzelbehandlig bruucht. Ich würd mir ä Narkose wünsche, aber das ist jo so tüür - 800 Franke - das chan ich mir nöd leischte. Ich denk denn immer a die im Mittelalter, wos no gar kein Betäubig geh hät - die hends jo au überläbt.

S'isch typisch und ich kenn das au, dass wenns im Chiefer oder i de Halswirbel blockiert isch, dass mer au schlechter gseht - vill Lüüt glaubed eim das nöd, aber mir beidi wüsseds - es hängt alles zäme, grad i dere Region - e chlini Abwiichig langed scho.

Ich wünsche Dir, dass die Chiropraktore bald wieder do sind und Dir hälfe chönd und ich freu mi, Dich wieder z'läse

Liebi Grüess us de Ostschwiez

Bea
Benutzeravatar
Beatrice
Beiträge: 4347
Registriert: 3. Dezember 2005, 22:47
Wohnort: Gossau/SG
Kontaktdaten:

Re: chume em Wunsch vo minere Namensvetterin na

Beitrag von Beatrice » 5. Mai 2023, 20:05

Hinweis für Mitleser: Für alle, denen das Forum in seiner ursprünglichen Erscheinung auch ein Blendgefühl verursacht. Dank Stahuufmannlis Anregung haben wir nun auch einen Dark Mode im Forum - siehe Menüzeile oben rechts - so erscheint das Forum im Negativkontrast (weisse Schrift auf Schwarz und es blendet nicht mehr)
Danke an Stahuufmannli für den Hinweis -auch für mich die augenfreundlichere Variante.

LG
Bea
stahufmaennli
Beiträge: 2
Registriert: 16. Mai 2019, 00:33
Wohnort: Züri

Re: chume em Wunsch vo minere Namensvetterin na

Beitrag von stahufmaennli » 5. Mai 2023, 20:37

herzliche Dank fürs schnelle möglich mache vom Dark mode.
also i han na e huufe anders au, und e super vagi diagnose zum EDS. 2 Ärzt sind dr Meinig gsi i hebs, 2 findet es chönt guet si, aber warum das gnau bezieffere, wenns ja eh kei Heiligsmöglichkeite git.
Aber das wo du schriebsch Bea han i als Chind vielles au chöne, wie z.B. us em Stand id Brugg abe und denn so umelaufe🙈, bis mer min Judotrainer das verbote hät und gseit hät es sig ungsund für de Rugge.
was i immer na guet chan isch sOhr uf dSchultere ablege ohni dSchultere ufezieh (das merkt mer denn wenns eim e Dehnigsüebig für de Hals zeiged und mer am schluss sOhr ableit und simmernanig dehnt.
Als chind isch bim Velofahre hindere luege au super eifach gsi - 🦉 (ha dr Hals fast um 180° chöne hindere dräie) hüt nach zig HWS blockade gat das leider nume.

Ja jedi Blockade hät wieteichendi uswürkige
vo Herzrhytmusstörige, zu vorgaukletem Herzrase (zgliche Gfühl nur de Puls isch nurmal), Bluetzuefuhr is Hirn chan igschränkt si, so dass mer chli Wirr im Chopf wird. A hand vo de Symptome weiss i wo i e Blockade ha.

so bis hli einisch
Antworten